វាសនាកូឡាបកម្ពុជា​ - Veasna Kolab Kampuchea

   បទចំរៀង : វាសនាកូឡាបកម្ពុជា​  ច្រៀងដោយ : ទួច ស៊ុននិច

១)  កុលាបមួយទង  រស់រងរឿងព្រួយរយឆ្នាំ  រីងទឹកដម ទ្រោមទ្រូងរងកម្ម
ទ្រាំរងចាំ សន្សើមវាសនា  ថែក្លិនអភ័ព្វ កុំឱ្យរសាត់បាត់ក្នុងវាតា
ជាក្លិនស្នេហ៍ សម្រាប់វាសនា  ជនណាដែលមាននិស្ស័យ។
 
២)  កុលាបភ្នំពេញ នាងដុះចេញពីដីកម្ពុជា ទោះត្រូវរងព្យុះភ្លៀងសង្ឃរា
ប្រៀបដូចជា សមរភូមិមានជ័យ ឧទ្យានចតុមុខ ជួយរក្សាទុក
ទឹកដមស្រស់ស្រី ឱ្យនៅជាកុលាបបូរី  នៃភពផែនដីអង្គរ។
 
៣)  កុលាបថ្លើមត្រួយ ឈប់ព្រួយទៀតទៅនាងអើយ
ទឹកសន្សើមធ្លាក់មកដល់ហើយ ជួយត្រាណត្រើយ ឱ្យរីកស្រស់ល្អ
ទឹកដមក្រពុំ ប្រៀបស្រីក្រមុំស្អាតសមបវរ ញញិមស្ដាប់តន្ត្រីកំដរ
បរទេសអង្វរសូមស្នេហ៍។
 
៤)  សូមក្លិនកុលាប  បានជ្រួតជ្រាប ពេញដែនសុវណ្ណ
កុំឱ្យជួបទុក្ខសោកអាសន្ន  ទុក្ខទារុណ ចុកចាប់ឥតល្ហែ
សុបិនអាក្រក់ សូមរលាយអស់ពីដែនដីខ្មែរ
សូមកុលាបក្រអូបមានស្នេហ៍ ថ្នមស្នេហ៍ កុលាបកម្ពុជា។