ជីវិតអ្នកនេសាទ - Chivit Neak Nesat-ណយ វ៉ាន់ណេត

 បទចំរៀង : ជីវិតអ្នកនេសាទ   
ច្រៀងដោយ : ណយ វ៉ាន់ណេត

១)  ទឹកដី កោះកុង ដងទង់ អាវវ៉ាវ   សមុទ្រ ក្នុងក្រៅ វាលអាវ យាយសែន
ខ្ញុំអ្នក នេសាទ ជីវិត បត់បែន   រស់នៅ ផ្ញើប្រាណ លើផ្ទៃ ជលសារ។

២)  រសៀល គងភ្នំ ទូករៀប ចេញហើយ   ទ្រូងបង ពុំស្បើយ ព្រោះនឹក ពុំងារ
បង ស្រឡាញ់ ណាស់ ប្ដូរស្លាប់ នឹងគ្នា   ឥឡូវ ពុំងារ រៀបការ គូថ្មី។

R) ស្រណោះ ផាហ៊ុម ម៉ុមចង ដៃបង   ទុកជា ចំណង ស្នេហា ភក្ដី
ក្លិនមិន ទាន់បាត់ បាត់តែ រូបស្រី   ឱ្យបង ស្រមៃ រាល់ថ្ងៃ ទន្ទេញ។

៣)  សមុទ្រ សែនធំ មើលពុំ ឃើញត្រើយ   តែមិន ស្មើឡើយ នឹងចិត្ត ស្រឡាញ់
នឹកឡើង កាលណា ឱរា សែនខ្នាញ់   មិនគួរ បើចាញ់ ស្រីផិត ស្រីក្បត់។